जेना जेना केॅ हमरोॅ देह खमसलोॅ गेलै / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » रेत रोॅ राग »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जेना जेना केॅ हमरोॅ देह खमसलोॅ गेलै
मोॅन जीयै लेॅ होन्है आरो बहसलोॅ गेलै
जिनगी छप्पर जकां ई खोॅर के बनलोॅ छेलै
जै पेॅ मिरतू केन्होॅ जोरोॅ सें धमसलोॅ गेलै
है तेॅ खोपा में रखी फूल सजाबै लेॅ छेलै
गोड़ के तोॅर रखी केना हुमचलोॅ गेलै
कुल केॅ जेागबोॅ बड़ा कठिन छै नै जोगेॅ पारलौं
ई पटोरी छेलै पोशाकी मसकलोॅ गेलै
बालू में भीत खड़ा करलेॅ रहियै हम्में सब
सुखथैं झोका सें हवा केॅ ई भसकलोॅ गेलै
जैठां गोय्यों के साथ डोॅर लागेॅ जाबै में
वांही अमरेन्द्र केॅ देखोॅ कि असकलोॅ गेलै

-22.2.92