भारत की संस्कृति के लिए... भाषा की उन्नति के लिए... साहित्य के प्रसार के लिए
पिच्छड़ / कुंदन अमिताभ
Kavita Kosh से
Lalit Kumar (चर्चा | योगदान) द्वारा परिवर्तित 16:14, 9 मई 2016 का अवतरण ('{{KKGlobal}} {{KKRachna |रचनाकार=कुंदन अमिताभ |अनुवादक= |संग्रह=धम...' के साथ नया पृष्ठ बनाया)
आधुनिकता केरऽ नाम पेॅ
पिच्छड़ पेॅ
फिसली रहलऽ छै
सौंसे दुनियाँ
फिसलन में
बड़ा तेजी सें
दृश्य बदलाव होय छै
अच्छा खासा
संतुलित लोग
पिच्छड़ पेॅ फिसलथैं
कादऽ में
घोलटलऽ नजर आबै छै
आरो
आपनऽ पहचान
कादै में हेराय दै छै।
