मेघ कहनेॅ जाय / ऋतु रूप / चन्द्रप्रकाश जगप्रिय

सरंगोॅ मेॅ
अखाड़ के मेघोॅ के गोड़
पड़ले छेलै
कि बगुलो कै पाँत
चतुर्थी रोॅ चाँद रं आकाश में
मेघोॅ के स्वागत मेॅ
गीत गंुजाय देलकै
आरो धरती पर
गाछ-बिरिछ
पहाड़-पर्वत
नदी-पोखर
एक्के साथ उठाय लेलकै हाथ-
हे मेघ, आबोॅ पहिले हमरे ऐंगना!

मजकि की कहवोॅ
साल के, शिलन्ध्र के
जे मेघोॅ के नाम सुनथै
नया फूल आरो पत्ता सेॅ
भरेॅ लागलोॅ छै!
ई मेघ कन्नेॅ जाय?

बाँसवोॅन दिस
जेकरा में लाखो रोआं रं
नया-नया बाँस उगी ऐलोॅ छै
अखार के मेघ के प्रार्थना लेॅ
आकि जूही के दिश
जे ओकरोॅ आगुआनी में
सौंसे देह सुगंध सेॅ भरी लेलेॅ छै।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

मेघ कहनेॅ जाय / ऋतु रूप / चन्द्रप्रकाश जगप्रिय

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग