भारत की संस्कृति के लिए... भाषा की उन्नति के लिए... साहित्य के प्रसार के लिए
हेमन्त के हाँक / ऋतु रूप / चन्द्रप्रकाश जगप्रिय
Kavita Kosh से
Lalit Kumar (चर्चा | योगदान) द्वारा परिवर्तित 22:15, 30 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
मुनादी
है जे ढिंढोरा पीटनेॅ आवै छै
शिशिर ऋतु के आगमन के,
हेमन्त छेकै।
देखै नै छौ
की रं कपकपाय गेलै धरती,
हेमन्त के हाँक सुनथै
सिहरी गेलै सुकुमारी शरत के देह
डरलोॅ-डरलोॅ आँखी सेॅ
देखी रहलोॅ छै, हेमन्त दिश
सारस, हंस, क्रौंच, चकता
आरो कारण्डव
छिपेॅ लागलोॅ छै, मछली
पानी सेॅ नीचेॅ बालू मेॅ।
मुरझाय गेलै कमल
पोखरी में, झीलोॅ में
झुकाय लेलकै मूड़ी
नै खाखी काशवन
सहमी गेलै आकाश मेॅ तमतमैतेॅ सुरुजो
कैन्हेकि आवी गेलोॅ छै
शिशिर ऋतु के आगमन के
ढिंढोरा पीटतें, हेमन्त।
