हिम्मत के भगवान बनैलौं
मेहनत के हम पुजलौं हो
भैया हो,
हक के हो बनैलौं हम धरम
धरम के भरम तजलौं हो...
मंदिर मसजिद फैक्ट्री हम्मर करखाना
करखनमा तीरथ काशी हो
भैया हो,
मील के हो बनयलौं हम परियाग
तिरथ के अरथ तजलौं हो...
उत्पादन के पुण्य समझलो
पूंजी के ईमान-बनैलौं हो
भैया हो,
माटी के हो बनैलौं हम सरग
सरग के मारग तजलौं हो...
संघर्ष जैसन नै साथी दोसर
गलत व्यवस्था सन नहि पापी हो
भैया हो,
जुलुम के जैसन नै पाप
कि पाप के सराप तजलौं हो...