आबेॅ मरदे ही मरदोॅ संग बीहा करतै / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » कुइयाँ मेँ काँटोॅ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आबेॅ मरदे ही मरदोॅ संग बीहा करतै
माँग सजैतै मौगी रोॅ मौगी ही आबेॅ
जे चाहॅे कलियुग रोॅ ठाड़े पुण्य कमावेॅ
केकरोॅ हिम्मत छै कटियो टा छीया करतै
मरदोॅ रोॅ किंछा आबेॅ कि माय बनेॅ ऊ
पूतवती नै होय लेॅ चाहै जोॅर-जनानी
दूधोॅ रोॅ बदला मेँ चिलकां पीयै पानी
सब रोॅ किंछा गाँती छोड़ी ‘टाय’ बनेॅ ऊ
लाज-वीज रोॅ परिभाषा सब सुटियैलोॅ छै
नया हवा रोॅ छोड़ी आपनोॅ कमर हिलावै
पहलवान जी आपनोॅ डाँड़ोॅ पर खिसियावै
पलटनियाँ खैलेॅ छै दुनियां, भटियैलोॅ छै
मरदोॅ रोॅ हत्था-गोड़ोॅ ताँय ढकलोॅ अंगा
हाथ भरी रोॅ नुँगा मेँ तिरिया छै नंगा।