भारत की संस्कृति के लिए... भाषा की उन्नति के लिए... साहित्य के प्रसार के लिए
सोन चिरैया (कविता) / मृदुला शुक्ला
Kavita Kosh से
Lalit Kumar (चर्चा | योगदान) द्वारा परिवर्तित 01:55, 11 जून 2016 का अवतरण ('{{KKGlobal}} {{KKRachna |रचनाकार=मृदुला शुक्ला |अनुवादक= |संग्रह= }} {...' के साथ नया पृष्ठ बनाया)
सोन चिरैया, सोन चिरैया
हमरोॅ घर में सोन चिरैया
सुखलोॅ धरती, भुखलोॅ खेत
सुखलोॅ नद्दीपत्थल रेत
उमड़ी-घुमड़ी बरसै मेघ
भरलै सब ठो ताल-तलैया
सोन चिरैया, सोन चिरैया!
बाग-बगीचा सूनोॅ ऐंगन
भिंजलोॅ आँख, तरसलोॅ जीवन
तिरपित आय पगलैलोॅ मन
चललै थुबुक-थुबुक चलबैया
सोन चिरैया, सोन चिरैया।
कूकै कोयल, नाँचे मोर
देखोॅ-देखोॅ मचालै शोर
गैतें-हँसतें ऐलै भोर
देखी, नाँचै कुँवर कन्हैया
सोन चिरैया, सोन चिरैया।
ठोर गुलाबी, कारोॅ चूल
गोरोॅ मुखड़ा-उजरोॅ फूल
नूनू बूलै-लगलै धूल
दूध पिलैतै आबी गैया
सोन चिरैया, सोन चिरैया।
