भारत की संस्कृति के लिए... भाषा की उन्नति के लिए... साहित्य के प्रसार के लिए
नुकाय गेलै / सुभाष भ्रमर
Kavita Kosh से
Rahul Shivay (चर्चा | योगदान) द्वारा परिवर्तित 10:43, 14 जून 2016 का अवतरण (Rahul Shivay ने नकाय गेलै / सुभाष भ्रमर पृष्ठ नुकाय गेलै / सुभाष भ्रमर पर स्थानांतरित किया)
ऐलै भादोॅ कोयलिया नुकाय गेलै हे
फूल कासोॅ के उजरोॅ फूलाय गेलै हे
हवा बहलै कि मोॅन उमताइये गेलै
की-की कनखी सेॅ बिजुरी बताइये गेलै
केना निरमोही डगरी भुलाय गेलै हे
ऐलै भादोॅ कोयलिया नुकाय गेलै हे
उमड़ी केॅ मारै छै ननदी नेॅ जोर
रसें-रसें टूटे छै देह पोर-पोर
साँझ भेलै नै, झिंगली फुलाय गेलै हे
ऐलै भादोॅ कोयलिया नुकाय गेलै हे
रहै शुक्कर सेॅ घेरलोॅ शनिच्चर तांय मेघ
बरसै जरूर ई घाघोॅ के टेक
मतुर पियवां तेॅ जियरा कुढाय गेलै हे
ऐलै भादो कोयलिया नुकाय गेलै हे
