भारत की संस्कृति के लिए... भाषा की उन्नति के लिए... साहित्य के प्रसार के लिए
चिन्ता / भुवनेश्वर सिंह भुवन
Kavita Kosh से
Lalit Kumar (चर्चा | योगदान) द्वारा परिवर्तित 00:34, 22 जून 2016 का अवतरण ('{{KKGlobal}} {{KKRachna |रचनाकार=भुवनेश्वर सिंह भुवन |अनुवादक= |सं...' के साथ नया पृष्ठ बनाया)
चिन्ता दिवारॅ छिकै,
यमराजॅ के पियारॅ छिकै।
जिनगी के कागज जकसाँ चाटै छै,
कानबॅ नै सुनाबछै, मगर छाती काटै छै,
बाहर सें किताब, भीतर सें अब माँटी,
जेना मोटका गाछी में समूचा धोवर
वै धोधरी में अजगर,
हाथी केॅ काँड़ी, भैंसी केॅ भजहा,
वा डुबला नावॅ के मलहा।
आँख खुलकँ रहै छै,
मगर दुनियाँ नै झलकै छै।
जागल्हौ पर आवाज अनसुनलॅ जाय छै।
जें आपनॅ रूप नै देखाबै छै,
सुबोल की कुबोल नै सुनाबै छै।
एकरा गंगा-जल सें नै दहाब पारॅ,
देहॅ सें झाड़ी केॅ आगनी में मै झोंक पारॅ
ताड़ी-सराबॅ के समुन्दर में नै डुबायेॅ पारॅ,
गाँजा-भाँग में नै भुलावेॅ पारॅ।
ई जिनगी के खांेक छिकै,
यात्रा के डोक छिकै।
