भारत की संस्कृति के लिए... भाषा की उन्नति के लिए... साहित्य के प्रसार के लिए
कोई तूफ़ान थो आकार घुरे! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:05, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
कोई तूफ़ान थो आकार घुरे!
ॼणु त को हक़ थो गुनहगार घुरे!
जो सवाल आहे अखियुनि में तुंहिंजे,
सो त हर कंहिं खां थो वीचार घुरे!
वक्त ॾे शूके निहारीं छो थो,
हू रुॻो तोखां थो वहिंवार घुरे!
अॼु जी दुनिया जो ॾुखोयलु माण्हू,
कंहिं धमाके सां थो इज़हार घुरे!
शर्म अख़्लाक रहियो आ जंहिं वटि,
सो त अधिकार बि लाचार घुरे!
सुबह खां शहर में भटकियो आहे,
छा अलाए थो ख़रीदार घुरे!
ख़ामख़्वाह अखि थो मिलाए हासिद,
ऐं थो कंहिं प्यार खां इक़रार घुरे!
