भारत की संस्कृति के लिए... भाषा की उन्नति के लिए... साहित्य के प्रसार के लिए
निगाहुनि में कएं पाछा ॾिठासीं! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:14, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
निगाहुनि में कएं पाछा ॾिठासीं!
ॼणु आईने में आईना ॾिठासीं!
घड़ीअ में छांव, उस, बादल वसी विया,
हिते हर रंग में चेहरा ॾिठासीं!
सलाहूं जिनि ॾिनियूं हर हर अची थे,
घणा विख-विख ते से ॾाहा ॾिठासीं!
चवण लाइ कुझ नओं आहे न कंहिं वटि,
नवां पिञिरा, नवां तोता ॾिठासीं!
थिया थे बहस केॾा फ़िक्र फ़न ते,
वॻा किअं किअं थे, तूतारा, ॾिठासीं!
अची वेझो बि कंहिं मुश्किल सुञातो,
परे खां के तिरा पंहिंजा ॾिठासीं!
नजर भटकणु सिखी हासिद जॾहिं खां,
तॾहिं खां सुहिणा ई सुहिणा ॾिठासीं!
