जॾंहिं जॾहिं बि अकेलो थो हुजां!
रुॻो थो तड़फां, लुछां ऐं सोचां!
हवा सां ॻाल्हियूं करण ते दिल थिए,
चवां त सिर्फ़ रुलां ऐं भटकां!
बणी का लहर डुकणु सवलो आ,
किथां हलां ऐं किथे भी पहुचां!
वञां थो शोर में अक्सर गुम थी,
ॿुधां न कुझ, न वरी कुझ समझां!
अगर मगर थी मुंझाए केॾो,
अजायो छो थो सयाणो बणिजां!
मयार कहिड़ी चरियनि ते आहे,
ॾियनि था गारि वॾे वाके सां!
अखियुनि में ख़ाक उॾामे हासिद,
घड़ीअ विसामां, घड़ीअ में पॼिरां!