भारत की संस्कृति के लिए... भाषा की उन्नति के लिए... साहित्य के प्रसार के लिए
दुहिल / एम. कमल
Kavita Kosh से
Lalit Kumar (चर्चा | योगदान) द्वारा परिवर्तित 01:16, 24 सितम्बर 2016 का अवतरण ('{{KKGlobal}} {{KKRachna |रचनाकार=एम. कमल |अनुवादक= |संग्रह= }} {{KKCatKavita}} {{KKC...' के साथ नया पृष्ठ बनाया)
माण्हू
ढकिजी वेन्दा आहिनि
दॿिजी वेनदा आहिनि
लुढ़ी वेन्दा आहिनि
जॾहिं
क़द खां मथे
पहिरीन्दा आहिनि
वित खां वधीक
बारु खणन्दा आहिनि
ज़ोर खां ॿाहिर
वहक में वेन्दा आहिनि।
माण्हू
पाण खे सुञाणण जे शौक़ में
पाणु सुञाणणु छॾे ॾीन्दा आहिनि।
ऐं खु़द खे ग़लत मापनि में
उतारीन्दा आहिनि
(इहो विसारे)
त हर शख़्स
त हर शख़्स खे कथण जा
मापा मुक़रर आहिनि
किनि खे तोरिबो आहे
अखरनि ऐं अमल जे
किलोग्रमनि में,
किनि खे कछिबो आहे
राह ऐं मंज़िल जे
मीटरनि में
किनि खे मापिबो आहे
जोश ऐं ज़ोर जे लिटरनि में।
ही वेसर खाधा माण्हू
ख़ाली खोखा आहिनि
ही वॼन्दा आहिनि दुहिलनि वांगुरु
हुननि ते ॾौंको हणो।
(पंहिंजे ऐलान ख़ातिर)
हुननि ते पेर न ॾियो,
वेचारा फाटी पवन्दा।
(ॻरन्दड़ बर्फ़ जा नक़्श 1975)
