भारत की संस्कृति के लिए... भाषा की उन्नति के लिए... साहित्य के प्रसार के लिए
माठि जो भ्रष्टाचार / एम. कमल
Kavita Kosh से
Lalit Kumar (चर्चा | योगदान) द्वारा परिवर्तित 01:16, 24 सितम्बर 2016 का अवतरण ('{{KKGlobal}} {{KKRachna |रचनाकार=एम. कमल |अनुवादक= |संग्रह= }} {{KKCatKavita}} {{KKC...' के साथ नया पृष्ठ बनाया)
मुंहिंजूं अखियूं
तुंहिंजीअ माठि जे ॻाल्हियुनि में अची
दिल ऐं दिमाग़ खां छव्ब् वठण बिना
कुझु अहिड़ो ॿोले वेठियूं
जंहिं खां
प्यार जी सियासत जे बहस में
नओं मोडु़ अची वियो,
ऐं ख़्वाबनि निंड-रोको आंदोलन
शुरू कयो
अन्देशनि मोरचा कढिया
उम्मीदुनि ‘गुमान भरो’ हलचल हलाई
तुंहिंजे ख़ुशीअ जी जाच लइ
ॻाल्हाऊ साहुरनि जी
कामेटी जोड़ी वेई
जंहिं
अखियुनि जी ज़बान जी
ॻुझी, ख़मोशीअ जी
ख़ास लेबारेटरीअ में ”तपास“ जी
सिफ़ारिश कई।
असां जे खुले समाज
माठि जे भ्रष्टाचार खे
जड़ खां उखोड़ण जो संकल्पु दोहरायो
आवाज़ ई असां लाइ सभु कुझु आहिनि
भलि बेमाना हुजनि,
शायद भ्रष्ट लफ़ज़नि सां भरियल
असीं,
आवाज़नि जो भ्रष्टाचारु
क़बूल करे सघूं था, मगर
माठि जो?...
माठि जो हरगिज़ न।
