भारत की संस्कृति के लिए... भाषा की उन्नति के लिए... साहित्य के प्रसार के लिए
हवाई हमले जे चिताअ बाद / गोवर्धन भारती
Kavita Kosh से
Lalit Kumar (चर्चा | योगदान) द्वारा परिवर्तित 01:43, 24 सितम्बर 2016 का अवतरण ('{{KKGlobal}} {{KKRachna |रचनाकार=गोवर्धन भारती |अनुवादक= |संग्रह= }} {...' के साथ नया पृष्ठ बनाया)
ओचितो
हर घर मां ईन्दड़ रोशनीअ
पंहिंजूं अखियूं ॿूटे छॾियूं!
ख़ौफ़ सबबां
खतम थी वेई गुलाबनि जी महक!
हिक भयानक सांति,
तारी आ फ़िज़ा में-
चंडु-
ककरनि जे पुठियां डोड़ी रहियो आ,
रूहु मुंहिंजो आहि खाईअ में खड़ो
साह में सहिकी रहियो आ साइरनि!
मुंहिंजे साॼे तरफ़
बीठो आ हवालो हथ ॿधी,
मंुहिंजे ॾाए तरफ़
सिजदे मंे खड़ी - ख़ामोश आ
दरगाह ख़्वाजा जी
सरासर ज़र्दु थी वियो आ कलशु
ऐं ख़ूनु गुम्बज़ जो बि थी वियो आ सफ़ेद!
पेर मुंहिंजा
ॼणु त क़ब्रिस्तान में अटिकी पिया आहिनि
मगर मुंहिंजा ॿई हथ
ख़ुद बख़ुद खॼी विया आहिनि आसमान ॾे:
ओ सख़ी दातार, सिर्जणहार, पालणहार!
पंहिंजे लाइ मूंखे कुझु न घुरिजे
मां घुरां थो सिर्फ़
पंहिंजनि ऐं परावनि ॿारिड़नि जो ख़ैरु!
(5.8.1978)
