महिमा तोरोॅ अपार जगजननी / रामधारी सिंह 'काव्यतीर्थ'

महिमा तोरोॅ अपार जगजननी
महिमा तोरोॅ अपार।
तोहें छेकोॅ आदिशक्ति, दुर्गा, भवानी, माता काली
सीता, राधा, माता राजेश्वरी, तोरोॅ कोय नै पावै पार।
वेद-शास्त्र गावेॅ नै पारै छै, शेष-शारदा भी तेॅ थकले छै
ऋषि-मुनि, साधू आरू सन्यासी तोरा सें सब्भैं मानलक हार।
सब्भै जीवोॅ में आत्मा रूपोॅ में, सब के हृदय में दया रूपोॅ मे
शांति, क्षमा, प्रेम, भ्रान्ति रूपोॅ में, तोरा हम्में करै छी नमस्कार।