सिर्फ़ रंगनि जे मथां आ
जंगि जो छांयो गुबारु
वाद बर्बादीअ जा होका था ॾियनि
नितु नओं आ जंग जो दड़िको
काल पंहिंजी मुश्क में ऐटम भरियो आ!
आहि जंहिं सां शून्य जो हिकु सिलसिलो
ऐं ॻिझिुनि जा ख़्वाब आहिनि!
स्त्रियुनि जे मांग जे सिंधूर जो
काल खे सम्मानु नाहे
ॿार मक़तब में वञनि छो?
छा सड़क नाहे पिनण लइ?
भलि बज़ारियुनि मां किरे सिंधूर जो अघु
ऐं किताबनि, चूड़ियुनि जो,
ऐं गुलनि जो, आरसियुनि जो!
कालु आखि़र रूस में
यू.एस, जो एजंट आहे
ॿिनि हरामियुनि जो दलालु