भारत की संस्कृति के लिए... भाषा की उन्नति के लिए... साहित्य के प्रसार के लिए
एकवीहीं सदीअ में सिंधी / चतरू नागपाल
Kavita Kosh से
Lalit Kumar (चर्चा | योगदान) द्वारा परिवर्तित 03:19, 27 सितम्बर 2016 का अवतरण ('{{KKGlobal}} {{KKRachna |रचनाकार=चतरू नागपाल |अनुवादक= |संग्रह= }} {{KKCat...' के साथ नया पृष्ठ बनाया)
ईन्दड़ सदीअ में ईन्दो
ही अंग्रेज़ी इश्तिहारु
खपे सिंधी ॿोलीअ जो पाठकु,
जो पढ़ी सघे सिंधी,
भॻल टुटल ई सहीं।
उजूरो शइर लइ अढ़ाई सौ रुपया
कहाणी पढ़ो पंज सौ
मज़मून लइ हिकु हज़ारु
नंढिड़ो नाविलु पढ़ण वारे खे
पंज हज़ार इनामु।
सॼे ॾींहं जी मानी मुफ़्त
ॿाहिरां ईन्दड़ पाठक लाइ
प्लेन जो ओट मोट भाड़ो
ऐं फ़ाइव स्टार होटल में रहण जो बंदोबस्तु
पाठक जो फ़ोटो अख़बार में बि ॾिबो
सुर्गवासी लेखक, शाइर जी वसीयत मूजिब
खेसि मिलियलु इनामु खर्चु करण लाइ
मिलो या लिखो हेठि पते ते
सुर्गवासी लेखक, शाइर जे वारिस सां
ईन्दड़ सदीअ में सिकन्दा,
को सिंधीअ में गार ई ॾिए
सिंधी किताब
तव्हां खे म्यूज़ियम में मिलन्दा
ऐं कंहिं मिमिक़ी प्रोग्राम में
अनाऊंसर कन्दो ज़ाहिर
अब एक आदमी आपको
सिंधी में बात करके दिखाएगा!
