भारत की संस्कृति के लिए... भाषा की उन्नति के लिए... साहित्य के प्रसार के लिए
किथे बि कुझु बि / अनन्द खेमाणी
Kavita Kosh से
Lalit Kumar (चर्चा | योगदान) द्वारा परिवर्तित 03:47, 27 सितम्बर 2016 का अवतरण ('{{KKGlobal}} {{KKRachna |रचनाकार=अनन्द खेमाणी |अनुवादक= |संग्रह= }} {{KK...' के साथ नया पृष्ठ बनाया)
सही न आहे
माहोल में उहा
लिज़ी लिज़ी आलूदगी न आहे
जा जियापो ॾीन्दी हुई।
साल थी विया
ख़ुश रहण लाइ
कोई दिलफ़रेब नालो न मिलियो आहे
जन्नत ॾियारण लाइ
कंहिं सनत जो वादो
नसीब न थियो आहे
चोर बाज़ारीअ लाइ
कंहिं वॾे दलाल जी
मदद न मिली आहे
दफ़तरनि में
ॿारनि खे ऊच तालीम
ॾियारण लाइ
रिश्वत जा रेट
तमाम घणा वधी विया आहिनि।
अगु सिर्फ़ उसूल परस्त ऐं
शरीफ़नि खे जीअण जो को हकु़ न हो
पर हाणे हिक आम ऐं नंढे
भ्रष्ट माणहूअ लाइ बि
जीअणु डुखियो थी पियो आहे।
क़ानून ऐं जोड़जक
बसि, वॾनि बेईमाननि लाइ
कारगर आहिनि
मूं जहिड़ो नंढो बदमाशु
त पियो हवा खाए!
