हिक वधीक ॾींहं जी शुरूआति
बाथरूम में टंगियल पंहिंजा अंग खणी
मूं पाए छॾिया!
बस स्टाप ते
टे कलाक डिघी क़तार जी बीठल रफ़्तार
मूं पंहिंजा पेर कढी
पासे वारीअ जे थेल्हे में विझी छॾिया
बस में
मुंहिंजो लटिकन्दड़ मजबूर पोज़
तकीन्दड़ हिक इनसानी हैवान
मूं सन्दसि अरसे जी घूर खे
पंहिंजो उभारु लाहे ॾिनो!
आफ़ीस में
अछे ते कारो-कारे ते अछो
मुंहिंजे अखियुनि जी अछाणि कारी
ऐं काराणि अछी थी वेई!
मूं पंहिंजूं अखियूं कढी धोतियूं
ऐं उस में सुकण लाइ
दरीअ ते रखी छॾियूं!
ख़ाली सरीर में भरियलु मनु खणी
लुछन्दड़ पलंग जे
तपन्दड़ हन्ध ते लेटां थी
अपूर्णता जे पूर्ण अहसास सां
अखियूं बूटे,
सुपननि जे लोजीअ सां
निन्ड खे सुम्हारियां थी!