भारत की संस्कृति के लिए... भाषा की उन्नति के लिए... साहित्य के प्रसार के लिए
औरत / वीना शृंगी
Kavita Kosh से
Lalit Kumar (चर्चा | योगदान) द्वारा परिवर्तित 18:29, 1 अक्टूबर 2016 का अवतरण ('{{KKGlobal}} {{KKRachna |रचनाकार=वीना शृंगी |अनुवादक= |संग्रह= }} {{KKCatSin...' के साथ नया पृष्ठ बनाया)
मां औरत आहियां
हा! औरत
अजु जे जदीद दौर जी औरत!!
परदे जी ओट खां ॿाहिर
पेरु पातल औरत!!!
मूंखे मुख्तलिफ़ नालनि सां
नवाज़ियो पियो वञे
कॾहिं चंचल ऐं नटखट नार!
कॾहिं नाजु़क ऐं शोख हसीना!!
कॾहिं माडर्न गर्ल!!
त कॾहिं खूबसूरतीअ जी
मुजसिम!!!
मूंखे ॼाण आहे
इहे हसीन ऐं दिलकश नाला
पंहिंजे आरजुनि ऐं ख़्वाहिशुनि जे
चंद लमहनि जी तस्कीन लाइ
औरत जी हयादारीअ खे
नज़र-ए आतिश करण वारा इरादा आहिनि
पर मूं बि इन्हनि आरजुनि
ऐं अरमाननि जे ॿरन्दड़ गुलनि खे
औरत जे रवादारीअ सां
बदसूरत ऐं नाकाम बणाइण जो
अज़्म ऐं अहद कयो आहे।
