भारत की संस्कृति के लिए... भाषा की उन्नति के लिए... साहित्य के प्रसार के लिए
खों-खों खों-खों करै डोकरी / अशोक अंजुम
Kavita Kosh से
Sharda suman (चर्चा | योगदान) द्वारा परिवर्तित 22:54, 6 अक्टूबर 2016 का अवतरण ('{{KKGlobal}} {{KKRachna |रचनाकार=अशोक अंजुम |अनुवादक= |संग्रह= }} {{KKCatGha...' के साथ नया पृष्ठ बनाया)
खों-खों खों-खों करै डोकरी
सब चाहैं अब मरै डोकरी
जबते खटिया पै पसरी है
सब बहुयन ते डरै डोकरी
मन ललचावै मीठो खाऊँ
घुट-घुट चारौ चरै डोकरी
सांसन कौ घट भयौ न खाली
कब झन्झट ते तरै डोकरी
जानें कौन छूत की रोगन
बच्चन ते रह परै डोकरी
जीवन सब गुर्राय कैं काटौ
ब्याज वाई कौ भरै डोकरी
गाल बजा मत चुप्प परी रह
घाब हरे मत करै डोकरी
