आउं घिटियुनि जो ॻाईदड़-मां ॻायां थो जनता जो राॻु!
जेकी आयो चवंदो वेंदुसि-जनता जा मां सूर सलींदुसि
जुमिले जुमिले खे वेही मां-सोनारे जां कीन घड़ींदुसि
मुर्दा दिल में जीवन फूकणु आहे मुंहिंजो मक्सद माॻु
आउं घिटियुनि जो ॻाईदड़-मां ॻायां थो जनता जो राॻु!
जनता जे अखिड़ियुनि में निहारण सां थो मुहिंजो गीतु ठहे
अखिड़ियुनि में जिनिजे हिक दुनिया नई अॾण जो ख्वाबु रहे
गीत नवां एं ख्वाब नवां ऐं नओं नईं दुनिया जो भाॻु
आउं घिटियुनि जो ॻाईदड़-मां ॻायां थो जनता जो राॻु!
आउं मिलुनि में फुटपाथनि ते वेही पहिंजो गीतु लिखां
कीन खणी आकास ते पहिंजे गीतन खे थो आउं वञां
गैब जूं ॻाल्हियूं की न करियां मां-मुहिंजो दुनिया सां ई लाॻु
आउं घिटियुनि जो ॻाईदड-मां ॻायां थो जनता जो राॻु!