मैदान में
फुहारे जे पासे में बिही
छो रोई
ॿुधाईं थो
अंदर जा सूर?
हीअ नाहे अस्पताल
डाक्टर न असीं।
अॻु जूं ॻाल्हियूं छॾि
ऐं हाणे खे वठु
ॻाल्हाइ ॻणे ॻोते
घणी डेघि न करि
खणु कीन कसम वॾा
नकी जोश में आउ।
आया आहियूं हिते
ॿुधण
ऐं न ॾिसण
सर्कस त न आहे
जो
हिअं टिप थो छॾीं!
वधंदियूं न शयूं इनमां
या
घटिबा अघ...
केसीं भरिबा
ख़ाली दिलासनि सां पेट?
आहीं जे अॻुवान
त इन ॻाल्हि ते सोचि
भारत लइ जीउ
विदेश खे ॿनि में विझु
पंहिंजी आज़ादी खोहे
थीउ न गुलाम
खुद राह ते आउ
ख़ल्क गुमराह न करि।