भारत की संस्कृति के लिए... भाषा की उन्नति के लिए... साहित्य के प्रसार के लिए
पंहिंजे खे हिमथायो / हूँदराज दुखायल
Kavita Kosh से
Lalit Kumar (चर्चा | योगदान) द्वारा परिवर्तित 22:07, 13 अक्टूबर 2016 का अवतरण ('{{KKGlobal}} {{KKRachna |रचनाकार=हूँदराज दुखायल |अनुवादक= |संग्रह= }...' के साथ नया पृष्ठ बनाया)
सर्गस लाइ
तर्ज़: मतां करीं अरमान ड़े महयारा: सुर सूफी
थल्ह: पंहिंजे खे हिमथायो, खादी पायो
विदेशी कपड़ो कीन घुरायो, पंहिंजे खे हिमथायो, खादी पायो।
किरोड़ें भाउर बुख मरनि था, रोटीअ टुकड़े लाइ रड़नि था
तिनि जो पेटु भरायो, खादी पायो !
पंहिंजे बदन ते पाए जोड़ियूं, छो न बचायूं सठ करोड़ियूं,
धार्यनि धनु लुटायो, खादी पायो !
ख़ादीअ सां थींदी खुशहाली, पाण बचायूं पंहिंजी माली,
गांधीअ आ फ़रमायो, खादी पायो !
मुल्क सॼे में मातम आहे, चौधारी छांयलु ग़मु आहे,
भारत जी बुख लाहियो, खादी पायो !
भारत माता हंजूं हारे, जाॻो पुटड़ा पई पुकारे,
तंहिंजो दर्दु मिटायो, खादी पायो !
जाॻो देवियो देर न लायो, कीन अजायो वक्तु विञायो,
आयल ऐट हलायो, खादी पायो !
आहि ‘दुखायल’ समो सभाॻो, भारतवासी भाउर जागो,
राॼ वठण जो सायो, खादी पायो !
