भारत की संस्कृति के लिए... भाषा की उन्नति के लिए... साहित्य के प्रसार के लिए
पावर पैसो / अमुल चैनलाल आहूजा 'रहिमी'
Kavita Kosh से
Lalit Kumar (चर्चा | योगदान) द्वारा परिवर्तित 17:21, 3 फ़रवरी 2017 का अवतरण ('{{KKGlobal}} {{KKRachna |रचनाकार=अमुल चैनलाल आहूजा 'रहिमी' |अनुवाद...' के साथ नया पृष्ठ बनाया)
ऐ मुफ्लस
छो रोईं, ॻाडीं ॻोढ़हा
थींदी तुंहिंजी दूर
मुफ्लसी मिन्टन में
कर महेनत खू़ब
जल्दु ई भरिबा खेत तुंहिंजा
अंबार अन सां।
पर जे आहीं
ऐ मुफ्लस
तूं काइंर कम चोर
नाहे ॻणती पो बि
पर जे आह रुॻो हिक खू़बी तो मंझि
खु़शामद करण जे ख़ूब तूं ॼाणीं
चुप चाप ऊसुल
रखी सभु ताक़ ते
पउ तूं काहे
सावन या
सियासतदाननि जी सलामीअ वास्ते
करिणो आहे तोखे रुॻो कमु हिकड़ो
घुरनि जेकी बि
इज़्ज़त, महेनत ‘बुत’ ॾेई छॾि
रुॻो
ज़मीर, जज़िबात, दुनिया डपु ऐं अहिसासनि खे ई त
कुझु वक़्त ख़ातिर विसारिणो आह
पो त
पैसो ई पैसो आह
ऐं
इन सां जो चाहींदें
सो पाईंदें
आखि़र बि
जॻु
ऐं दॻु
सभु
”पावर-पैसे“ ते त हले थो!!
