सरद रितु आ गे / द्वारिका प्रसाद तिवारी 'विप्र'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

द्वारिका प्रसाद तिवारी 'विप्र' »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

चउमास के पानी परागे।
जाना-माना अब अकास हर,
चाँउर सहीं छरागे।

जगजग ले अब चंदा उथे,
बादर भइगे फरियर।
पिरथी, माता चारोंखूंट ले,
दिखते हरियर-हरियर।
रिगबिग ले अब अनपुरना हर,
खेतन-खेत में छागे।

नंदिया अउ तरिया के पानी,
कमती होये लागिस।
रद्दा के चउमास के चिखला,
झंझटहा हर भागिस।
बने पेट भर पानी पी के,
पिरथी आज अघा गे।

लछमी ला लहुटारे खातिर,
जल देवता अगुवाइस।
तब जगजग ले पुरइन पाना -
के दसना दसवाइस।
रिगबिग ले फेर कमल फूल हर,
तरिया भर छतरागे।

चारोंखुंट म चुहुल-पुहुल,
अब करथें चिरइ-चुरगन।
भौंरा घलो परे हे बइहा,
करथे गुनगुन-गुनगुन।
अमरित बरसा होही संगी,
सुघर घड़ी अब आगे।