भारत की संस्कृति के लिए... भाषा की उन्नति के लिए... साहित्य के प्रसार के लिए
तोहें रिम्हऽ भात गोरिया / खुशीलाल मंजर
Kavita Kosh से
Lalit Kumar (चर्चा | योगदान) द्वारा परिवर्तित 17:27, 5 अप्रैल 2017 का अवतरण ('{{KKGlobal}} {{KKRachna |रचनाकार=खुशीलाल मंजर |अनुवादक= |संग्रह=पछ...' के साथ नया पृष्ठ बनाया)
तोहें रिम्हऽ भात गोरिया हम्में हटिया करी आय
गाँव से पूछें हट लगै छै
अलुआ, बैंगन खूब जुटै छै
नीमक, हरदी, तेल, किरासन
लैठी, चूड़ी खूब बिकै छै
बंधा आरो फूलकोबी देखी मऽन हमरऽ मुस्काय
तोहें रिन्हऽ भात गोरिया हम्में हटिया करौ आज
रंग बिरंग के चोली बिकै
फोकला लहकदार
फूलपाड़ के साड़ी आरो
साया झालरदार
ऐना-कंघी के बात नै पूछऽ अलता करै कमाल
तोहें रिन्हऽ भात गोरिया हम्में हटिया करी आय
कीया, कनपासा, ठोप एकन्नी
तोरा लानी केॅ देभौं
आरो लानभौं फीता-पाउडर
तोरा खूब सजैभौं
दोनों जीबऽ के मऽन बूझी केॅ हँसे ‘खुशी’ ठठाय
तोहें रिन्हऽ भात गोरिया हम्में हटिया करी आय
