भारत की संस्कृति के लिए... भाषा की उन्नति के लिए... साहित्य के प्रसार के लिए
अनुगीत-3 / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:54, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
मुँह बैनें बयार छै हुनकोॅ
आदमी बस शिकार छै हुनकोॅ
गाँव-घर लोग-बाग छै थर-थर
फेरू ऐलोॅ बहार छै हुनकोॅ
ई हवा छै कि कोय छै कातिल
फूल्हौं पर कटार छै हुनकोॅ
हमरोॅ फटलोॅ कमीज-चद्दर सें
खूब सजलोॅ बजार छै हुनकोॅ
जेना जीवन ई बिछौना हुनकोॅ
हमरोॅ किस्मत सिगार छै हुनकोॅ
कैद कैनें रहै सुरुज हमरोॅ
कत्तेॅ नीयत बीमार छै हुनकोॅ
‘राज’ आगिन के खोरनें छै हुनी
आय धू-धू दुआर छै हुनकोॅ
