भारत की संस्कृति के लिए... भाषा की उन्नति के लिए... साहित्य के प्रसार के लिए
काली मैया / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:57, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
हारी-पारी ऐलाँ दरबार, मैया काली मैया
सुनी लेॅ अरजिया हमार, मैया काली मैया
आँखी ऐंगनमाँ मैया, तोहरे मुठनमाँ मैया
हिरदा में चरण तोहार, मैया काली मैया
हारी-पारी ऐलाँ दरबार, मैया काली मैया
निशिभगी रतिया मैया, पाबै ली पिरितिया मैया
असरा में हमरोॅ हरसिंगार मैया काली मैया
हारी-पारी ऐलाँ दरबार, मैया काली मैया
मावस पसरलोॅ मैया, डारी-डारी डरलोॅ मैया
मावस सें घिरलोॅ छौं उजियार, मैया काली मैया
हारी-पारी ऐलाँ दरबार, मैया काली मैया
कारी-कारी बहियाँ मैया, घुरै छौं डगरिया मैया
विषधर छोड़ै छौं फुफकार, मैया काली मैया
हारी-पारी ऐलाँ दरबार, मैया काली मैया
हंसा हहरलोॅ मैया, अँचरा पसरलोॅ मैया
तोहीं मैया-नैया-पतवार, मैया काली मैया
हारी-पारी ऐलाँ दरबार, मैया काली मैया
