भारत की संस्कृति के लिए... भाषा की उन्नति के लिए... साहित्य के प्रसार के लिए
पछतावा / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 14:29, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
चिड़ियॉ चुनमुन करै छेलै भोरे-भोर,
बुढ़िया रोॅ सुनी केॅ पुलकै छेलै कोरे-कोर।
हौ ऊपर जंगलोॅ रोॅ बीचोॅ में,
हम्में कुरचै छीयै गाछी रोॅ बीचोॅ में।
ओकरोॅ नै समझै छेलियै बोली
रही-रही करै हमरा सें ठिठोली।
चीं-चीं करेॅ अपना में शोर।।
चिड़ियॉ चुनमुन करै छेलै भोरे-भोर।
सूरज निकललै फाड़ी केॅ घोर अंधेरा,
जेन्हॉ देखलकै सब्भै साफ सबेरा।
तैन्हॉ छोड़ी केॅ भागलै सब्भे डेरा,
पछताय केॅ शिकारी तोड़लकोॅ घेरा।
लीला देखै छेलै ‘‘संधि’’ लगायकेॅ जोर।।
चिड़ियॉ चुनमुन करै छेलै भोरे-भोर।
