भारत की संस्कृति के लिए... भाषा की उन्नति के लिए... साहित्य के प्रसार के लिए
ममता / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 15:43, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
लागै छै, प्रकृति बदली लेलकै रास्ता,
बुझावै छै, तोड़ी देलकै सब्भैं सें वास्ता।
अत्तेॅ दिन सब्भै रोॅ साथें बसल्होॅ,
आय कैन्हेॅ सब्भै सें तोहें रूसल्होॅ?
हम्में नन्हा-मुन्हा खोजै छीं, कहाँ छोॅ छिपलोॅ?
हमरा सिनी केॅ तड़पाय केॅ कहाँ छोॅ सुतलोॅ?
तनियोॅ-सा दिल में बरसावोॅ तोहें ममता
लागै छै, प्रकृति बदली लेलकै रास्ता।
जन-जन केरोॅ बदली गेलै मनसा,
आफत-विपद सें त्रसित छै हंसा,
एकेॅ दोसरा केॅ छिपी के नोचै छै,
कुकर्म करी केॅ अच्छा फोल खोजै छै।
