भारत की संस्कृति के लिए... भाषा की उन्नति के लिए... साहित्य के प्रसार के लिए
अधूरा / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 15:56, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
हे! फूल, तोंय सोची समझी केॅ करोॅ प्रीत,
मुरझैतौं पंखुड़ी तोरोॅ छोड़ी देतौं मीत।
गुणगुणाय केॅ तोरा सुनाय छौं गीत,
तोरा सें बढ़ाय लेली प्रीत।
तबतक चुसतौं जबतक निकलै छौं रस,
सुखलौं मधु तेॅ करतौं परहेज बस।
बादोॅ में पछतैभेॅ यहेॅ दुनिया रीत
हे! फूल, तोंय सोची समझी केॅ करोॅ प्रीत।
सब्भेॅ युगोॅ में सब्भेॅ रहलोॅ छै अधूरा,
कभियोॅ नॅ केकरोॅ होलोॅ छै पूरा।
समय एैला पर चोला सहित बदलै छै डेरा,
शास्त्र-साखी जिनगी में आबै छै फेरा।
चुनी लेॅ ‘‘संधि’’ चाटोॅ नै सीत,
हे! फूल, तोंय सोची समझी केॅ करोॅ प्रीत।
