विकट समस्या / कस्तूरी झा 'कोकिल'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

कस्तूरी झा 'कोकिल' » तोरा बिना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

रही-रही केॅ मोॅन हहरै छै,
केनाँक जिनगी कटतै जी?
दिन-रात असकल्लो रहना
कश्ट केनॉ केॅ हटतै जी?
तनी-मनी बच्चा केॅ फुर्सत
पढ़ै लिखै में दिन गुजरै।
सुबह रात सबक तैयार
हमरा लग कखनी कुरचै?
मौका पाबी केॅ आबै छै,
हँस्सी बोली जाय छै।
जागलॅ रहलॅ अगर रात केॅ
नूँनू साथैं खाय छैं।
तखनी मोंन मगन होय जाय छै,
नींद भी नीके आबै छै।
नै तॅ मन झमान असक्लॅ
जन्नेॅ तन्नेॅ भागै छै।
बात चीत केकरा सेॅ करियै,
कत्तेॅ पढ़ियै लिखियै जी?
माथों भारी लगै छै हमरा
केकरा लग सुसतैयै जी?
जो जों उमर बढ़ै छै हमरों
तों तों समस्या बाढ़ै छैं
बोॅर बीमारी अलगे होयछै।
डॉ. रुपया काढ़ै छै।
एक्के पेन्शन की-की करतै,
मंहगाई सुरसा गरजै छै।
केकरौं हेॅ चिन्ता एकरॅ नैं छै
कहीं से रुपया बरसै छै?

23/07/15 प्रातः सवा छह