होली दिन हिरदय में / कस्तूरी झा 'कोकिल'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

कस्तूरी झा 'कोकिल' » तोरा बिना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

होली दिन हिरदय में उठै छै हिलोर?
केकरा संग खेलबै हे होली घनघोर?
ठप-ठप-ठप चूयै छैं
आँखीं से लोर।
रोकतेॅ नैं रुकै छै,
धारा बड़ी जोर।
केकरा संग खेलबै होली घनघोर?
होली दिन हिरदय में उठै छै हिलोर?
रही-रही हिरदय में
मारै छै सांग।
कैहियो नैं पीलियै हे।
पीसो केॅ भांग
तोरा साथें नशा ऐन्हेॅ पुरजोर।
असकल्लोॅ आँखी से ठप-ठप-ठप लोर।
केकरा साथें खेलबै हे! होली घरघोर?
तोरा बिना सूना ई
सुन्दर मकान।
तोरा बिना फीका ई
दहिवारा पकवान।
तोहें घटा घिरली, हम्मेॅ तोरे मोर।
असकल्लोॅ आँखी से ठप-ठप-ठप लोर।
केकरा साथें खेलबै हे! होली घरघोर?
होली दिन हिरदय में उठै छै हिलोर।
ठप-ठप-ठप चूयै छै आँखी से लोर।

होलिकोत्सव 24/03/16 संवंत-2072-73 पूर्वाहन 11.45