भारत की संस्कृति के लिए... भाषा की उन्नति के लिए... साहित्य के प्रसार के लिए
पैंसठ बरसी कहानी / कस्तूरी झा 'कोकिल'
Kavita Kosh से
Lalit Kumar (चर्चा | योगदान) द्वारा परिवर्तित 17:00, 13 जून 2017 का अवतरण ('{{KKGlobal}} {{KKRachna |रचनाकार=कस्तूरी झा 'कोकिल' |अनुवादक= |संग्र...' के साथ नया पृष्ठ बनाया)
पैंसठ बरसी कहानी सिनेमा लागै छै।
तोरा हमरा प्यार केॅ पैमाना लागै छै।
मिली जुली रंग रभस
होलै दिन रात।
फागुन में सावन में
सजलै बारात।
तोरा बिना सब दिन बीराना लागै छै।
तोरा हमरा प्यार केॅ पैमाना लागै छै।
आँधी बवनडर में
दुखऽ केॅ समुनदर में
नैया रोॅ पाल
माँझी खुशहाल।
असकल्लोॅ आबे बौराना लागै छै।
तोरा हमरा प्यार केॅ पैमाना लागै छै।
जागी-जागी देखै छीहौं
रात, भिन सार।
गीत लाद रचै छीहौं
तोरे मनुहार
तोरैह लेली जीवन दीवाना लागै छै
तोरा हमरा प्यार केॅ पैमाना लागै छै।
4 मई 2016 दिनो केॅ चार बजे