भारत की संस्कृति के लिए... भाषा की उन्नति के लिए... साहित्य के प्रसार के लिए
दोहा मन्दाकिनी, पृष्ठ-2 / दिनेश बाबा
Kavita Kosh से
Rahul Shivay (चर्चा | योगदान) द्वारा परिवर्तित 17:54, 25 जून 2017 का अवतरण ('{{KKGlobal}} {{KKRachna |रचनाकार=दिनेश बाबा |अनुवादक= |संग्रह=दोहा...' के साथ नया पृष्ठ बनाया)
9
राम, लखन सिया जानकी, छै मानस के पात्रा
छै हिनकर वाचन सुखद, जस दुर्गा-नवरात्रा
10
मानस के अवदान छै, सब वेदो के सार
जेकर गोपन अर्थ छै, जन-जन के उद्धार
11
राम चरितमानस छिकै जीव-जगत वरदान
तुलसी नें पैलक तभी, जन-जन के सम्मान
12
राम कथा दै छै जहाँ, तन-मन में रस धार
पापी मन निस्प्राण पर, अमृत केरो फुहार
13
भगवत नाम सें होय छै, मन के दूर विकार
रस्ता गुरू देखाय छै, लानै हरि के द्वार
14
भगवत प्रीति से हुवै, दुरमति केरोॅ अंत
सत्य जगाबै छै मतर, केवल असली संत
15
रितु बसंत के छै समय, भेलै मोॅन मतंग
नस-नस में छै सनसनी, उमगै आठो अंग
16
फगनौठी हावा बहै, मन में उठै हिलोर
ताक-झांक नैना करै, बहकै दिल के चोर
