भारत की संस्कृति के लिए... भाषा की उन्नति के लिए... साहित्य के प्रसार के लिए
गैया केॅ मनमानी / मथुरा नाथ सिंह 'रानीपुरी'
Kavita Kosh से
Lalit Kumar (चर्चा | योगदान) द्वारा परिवर्तित 13:44, 10 जुलाई 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
ई गैया बड्डी मरखाही
चुकिया देलकै फोड़ी-फाड़ी
घास खिलाय केॅ चुचकारै छी
तव्वो सींग दिखाय छै
मन कत्तेॅ डेराय छै॥
दाम लगैलोॅ मांटी भेले
सब पैसा सूदोॅ में गेलै
खाय केॅ सबटा भूसा-चोकर
गोबर खाली दिखाय छै
मन कते डेराय छै॥
मैं गोबर में पड़लै पिल्लू
ई गैया भेलै उठल्लू
डिकरै छै खुट्टा में बांधलोॅ
खाली चुक्को सोन्हाय छै
मन कत्ते डेराय छै
मन होय छै गैया दौं बेची
रस्सी-पगहा राखियै नोची
लागै छेलै बड़ी दुधारी
सबटा दूध सटकाय छै
मन कत्ते डेराय छै॥
‘रानीपुरी’ बथान संभालोॅ
भैंसे नठली गाय निकालोॅ
दूध न´् देलकै कम्में तकलीफ
बुरा बथान बनाय छै
मन कत्ते डेराय छै॥
