फगुना बड़ी बदमास, हावा के हाथा से गुदगुदावे।
(1)
दुलहा नियन पेन्हले मांजर के मौरिया
कोहवर में कोयली के बोलावे॥
फगुना बड़ी बदमास महफिल में तितली नचावे॥
(2)
फूला के बगइचवा में आवे जब फगुनवाँ,
मनवाँ के भौंरा गुन-गुनावे,
फगुना बड़ी बदमास, कलियोतर मुहाँ चटपटावे॥
(3)
होलिया में घरेघर छनावे बरी भभरा,
मसती के भंगिया पिलावे,
फगुना बड़ी बदमास, अंग से अनंग के मिलावे।
फगुना बड़ी बदमास, हावा के हाथा से गुदगुदावे॥