मनवां में गुदगुदिया ना / जयराम सिंह

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

जयराम सिंह »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

लैलक फागुन के महीनवां मनुवॉ में गुदगुदिया ना

(1)
ई फागुन के अइते ही बदलल हावा के चलिया,
भौरा भुनर-भुनर गीत गावे बिहॅसे सिर धुन कलिया,
बेधल कामदेव के बान से केकरो नञ सुधबुधिया ना।
लैलक फागुन ... गुदगुदिया ना॥

(2)
गेहूँम, तीसी, बूंट, केरईया के डिडिया गदरा गेल,
मदमस्ती से मातल नेहिया धरती पर छितरा गेल,
जादू के कमाल ऐसन कि पत्थलों में सुगबुगिया ना।
लैलक फागुन ... गुदगुदिया ना॥

(3)
धरती सज-धज बनल बहुरिया पेन्हलक हरियर साड़ी,
ऊ सड़िया पर फूल के बूटा चकमक करै किनारी,
एक रूप से जे नञ अघाल नञ ओकरा,
कुछ लुरबुधिया ना।
लैलक फागुन ... गुदगुदिया ना॥