भारत की संस्कृति के लिए... भाषा की उन्नति के लिए... साहित्य के प्रसार के लिए
सखि! भँवरवा हो / जयशंकर प्रसाद द्विवेदी
Kavita Kosh से
Sharda suman (चर्चा | योगदान) द्वारा परिवर्तित 11:10, 21 अप्रैल 2018 का अवतरण ('{{KKGlobal}} {{KKRachna |रचनाकार=जयशंकर प्रसाद द्विवेदी |अनुवादक=...' के साथ नया पृष्ठ बनाया)
चढ़ते मधुमास केहु-केहु भइल खास
सखि भंवरवा हो! अदबद कोढ़िए प जाय॥
चारो ओरी फूटे लगल प्रेमरगिया
काहें भुलाइल बाटे गहगह बगिया
अचके में आवे लगल केहु रास।
सखि भंवरवा हो! अदबद कोढ़िए प जाय॥
सौतिन लागेले टुसिआइल गछिया
काहें मुँह फेरलें आपन संघतिया
सोची सोची होता मनवा उदास।
सखि भंवरवा हो! अदबद कोढ़िए प जाय॥
गवें गवें प्रेम चढ़ल दिन रतिया
हिया डहकावेले पियउ क बतिया
सपनो में पाई पियवा फूलल परास।
सखि भंवरवा हो! अदबद कोढ़िए प जाय॥
