आजादी सौ कोस / मथुरा प्रसाद 'नवीन'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मथुरा प्रसाद 'नवीन' » आखिर कहिया तक »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कभी जिंदगी में सोचला हे कि
देस कइसे बनऽ हे?
तों तो सब दिन
ऐना पर इहे देखला हे कि
भेस कैसे बनऽ हइ
सजा रहला हे
अपन देस देख के
तनी नै लजा रहला हे
एक से दू
दू से चार बनाबै में
तों बिसित हा
तों अप्पन करनी से
चारो खाना चित हा
दोसी तोरा छोड़ के
हमरा कोय नै जनाबऽ हो
तों सब सह रहला हे
ऐसन संतोसी
कोय नै जनाबऽ हो
एतना कहला पर
लोग हमरा पर भन-भना हइ
लेकिन हमरा तो इहे जना हइ
कि सब हमरे दोस हइ
ईहे से
हमर घर से
आजादी सौ कोस हइ