आल आजादी / मथुरा प्रसाद 'नवीन'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मथुरा प्रसाद 'नवीन' » आखिर कहिया तक »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कहलके हल
हमर बुढ़िया दादी
कि ए बबुआ
जब ऐते आजादी
तब अहिंसा के गरदन में
लटक जैतो हिंसावादी
आजादी दियासलाय हे,
ओतनै ई इंजोर करऽ हे
जेकर जेतना आय हे
ई आय के श्रोत
हमरा आँख से नै हे इलोत
हमरा तो
सूझऽ हे रोटी,
के बूझऽ हे
हम नंगटे ही कि
पिन्हने की
फटल लंगोटी।
ई रोटी के चाँद
तोड़ के के लैते?
ऊ जे हमर खून
जमा कर रहल हे?
ओकर हाथ
ममोर के के लैते?
सुन रहलिये हे कि
उठ रहले हे मजूर किसान,
जुट रहले हे
दुनिया के इंसान।