Last modified on 24 अप्रैल 2018, at 14:32

इंसान नै हा / मथुरा प्रसाद 'नवीन'

Lalit Kumar (चर्चा | योगदान) द्वारा परिवर्तित 14:32, 24 अप्रैल 2018 का अवतरण ('{{KKGlobal}} {{KKRachna |रचनाकार=मथुरा प्रसाद 'नवीन' |अनुवादक= |संग्...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

हे हो किसान मजदूर भाय
उठ के लेला
अपन देस बनाबै के साय
हम्हू ले हियो
ई बयाना
कि जब तक
नै मिलतो तोरा पेट भर दाना
तब तक
कलम तलवार के काम करतो,
जब तक
तोरा पर जुल्म होबैत रहतो
हमर कलम
जुल्मी के संहार के काम करतो
सुन नै रहला हे?
बलात्कार के करऽ हे?
चंदा उगाह के
कदाचार के करऽ हे?
कुछ कहो
तहूं जानऽ हा
सबके पहचानऽ हा
अनजान नै हा तों
एत नौ पर सहऽ हा
तब इंसान नै हा तों।