धन कि मन / मथुरा प्रसाद 'नवीन'

की खोजऽ हा धन कि मन
धन तो
हमरो पड़ोसी के बड़ी हे,
लेकिन धन पा के
घर भर पागल हे
एकर कौन जड़ी हे?
धन जे बढ़ावऽ हे,
ओकरा के नै
आँख पर चढ़ावऽ हे?
ई तो है अपा-अपी
तोरा की तऽ तोरा की,
एक दोसर के पीठ पर टपा-टपी
धन की नै करऽ हे,
देख रहला हे
कि धन ले
आपसे में लोग लड़ऽ हे
नै आबऽ हो आह
कि कैसें होबऽ है बेटी के बिहाअ
हम्हूं कैलूँ हें बरतुहारी,
बचलै खाली घर
आउ टीन के लोटा थारी
अब देखऽ ही
बड़का लोग अकबकी,
घरों पर लगल हे टकटकी
के हियाँ दिल दे हे?
बेटी के बिआह में
बेटा बाला
चमड़ी छील दे हे
जब आबऽ हे
अपन बेटी के बारी,
फेन ओकरो उहे बिमारी
ई दहेज
सब के देतो रसातल भेज
दमड़ी के व्यापार
गोर चमड़ी के व्यापार
अइसन अजनबी
बन गेले हे ई समाज
के कहऽ हे अनुभवी
बन गेले हे समाज?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

धन कि मन / मथुरा प्रसाद 'नवीन'

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग