भारत की संस्कृति के लिए... भाषा की उन्नति के लिए... साहित्य के प्रसार के लिए
तिरंगा / हम्मर लेहू तोहर देह / भावना
Kavita Kosh से
Lalit Kumar (चर्चा | योगदान) द्वारा परिवर्तित 16:12, 18 मई 2018 का अवतरण ('{{KKGlobal}} {{KKRachna |रचनाकार=भावना |अनुवादक= |संग्रह=हम्मर लेह...' के साथ नया पृष्ठ बनाया)
तिरंगा कभ हए?
हम पूछली एगो लरिका से
कहलक-
धत्त तेरा के
अपने इहो न जनइत हती
ई हए पुरिया
जेकरा खाइते
हो जाइअऽ मन रंगीन
झूमे लगइअऽ तन-मन
मस्त हाथी सन।
फेनू हम दोसरा से पूछली-
तिरंगा कथी हए?
त ऊ गावे लागल-
‘‘जा गोरिया झार के
खइहऽ तिरंगा फार के
बाकी अइहऽ एतबार के’’
मन हम्मर खंऊझ गेल
तइयो हम तेसरा से पूछली-
तिरंगा कभी हए?
त ऊ कहलक-
तिरंगा हए एगो सिनेमा
जेमे आइ-काल
बड़ा भीड़ चलईत हए
अपनेहु देख आऊ
बुझा जाएत-
कि तिरंगा कथी हए?
