मेहंदी गीत / 2 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

मेहंदी राचणी रो पेड़ लगा दो रसिया मेहंदी राचणी।
चुंदड़ी तो लाल म्हारा पियरीयासू ल्याई,
तो मेहंदी रो रूख कोनी ल्याई रसिया। मेहंदी राचणी।
हरी हरी मेहंदी जद बावण लागी, चूंदडी लहर लहरावे रसिया। मेहंदी राचणी।
चांदण चौक में मेहंदी उग आई, चांदी की झारी सिंचाई रसिया। मेहंदी राचणी।
हरी हरी मेहंदी तोडर ल्याई, दिवर जिठाण्या मिल बाटी रसिया। मेहंदी राचणी।
संग की सहेल्या मिल मेहंदी जी ओले, बाई जी मांड्या दोनू हाथ रसिया।
थारा तो हाथ गोरी हिवड़ा ऊपर सोवे, तो हाथ रची है मेहंदी म्हारा रसिया।
पगा म पायल तो सोवे बाजणी तो माथा में फुला रा गजरा रसिया। मेहंदी राचणी
लाल मेहंदी म्हारा हातां म राचा चूंदड़ी रो रंग धुल रह्यो रसिया। मेहंदी राचणी।