भारत की संस्कृति के लिए... भाषा की उन्नति के लिए... साहित्य के प्रसार के लिए
मेहंदी गीत / 3 / राजस्थानी
Kavita Kosh से
Sharda suman (चर्चा | योगदान) द्वारा परिवर्तित 18:07, 7 सितम्बर 2018 का अवतरण ('{{KKLokRachna |भाषा=राजस्थानी |रचनाकार= |संग्रह= }} {{KKCatRajasthaniRachna}} <poe...' के साथ नया पृष्ठ बनाया)
राजस्थानी लोकगीत ♦ रचनाकार: अज्ञात
म्हारे घरां रे कंवर बना रो ब्याव मेहंदी राचणी।
मेहंदी मंगाई सोजत शहर से म्हार रंग रलिया लाडा
हरिया हरिया पाना, मेहंदी राचणी।
मेहंदी पिसाई पाट में रे म्हारा रंग रलिया लाडा,
झीणे पोत छणाय, मेहंदी राचणी।
रजत कटोरे मेहंदी घोलली रे म्हारा रंग रलिया लाडा,
चोखो लोच अणाय, मेहंदी राचणी।
भाभी थांकी चतरु घणी रे म्हारा रंग रलिया लाडा,
मांडैली दोन्यू हाथ, मेंहदी राचणी।
मेहंदी मांडी म्हे हाथां में म्हारा रंग रलिया लाडा,
निरखै घर का लोग, मेहंदी राचणी।
