भारत की संस्कृति के लिए... भाषा की उन्नति के लिए... साहित्य के प्रसार के लिए
नाहीं दाना पानी बाय / जगदीश पीयूष
Kavita Kosh से
Sharda suman (चर्चा | योगदान) द्वारा परिवर्तित 10:54, 28 फ़रवरी 2019 का अवतरण ('{{KKGlobal}} {{KKRachna |रचनाकार=जगदीश पीयूष |अनुवादक= |संग्रह= }} {{KKCat...' के साथ नया पृष्ठ बनाया)
नाहीं दाना पानी बाय।
नाहीं छप्पर छानी बाय॥
कहां बइठी काव खाई कहां सोई माई जी।
कहां लरिका खेलाई हंसी रोई माई जी॥
धोती होइगै तार तार।
घरे आवे न बिलार॥
नाहीं सूख भात नाहीं रोटी पोई माई जी।
कहां लरिका खेलाई हंसी रोई माई जी॥
जइसे कोढ़िया म खाज।
पी के आवे दारूबाज॥
मारै लठिया से के का गोहराई माई जी।
कहां लरिका खेलाई हंसी रोई माई जी॥
टूटी जिनगी कै आस।
नाहीं पाई सल्फास॥
कौने तरवा इनारा मा समाई माई जी।
कहां लरिका खेलाई हंसी रोई माई जी॥
