साधो, यहै तरक्की आय / सुशील सिद्धार्थ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुशील सिद्धार्थ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

साधो, यहै तरक्की आय।
कुछु के मुंह मा सोने क सिक्का कुछु के मुंह मा हाय॥

ई बिकास की राह प चलिकै देसु कहां तक जाय।
ख्यातन केरी फसिलि छांड़िकै सब कुछु महंग बिकाय॥

कर्जु लेय फिरि कसै सिकंजा देति सबै रगदाय।
हारि क होरी आपनि देंही फांसि प दे लटकाय॥

प्रेमचंद होती तौ लिखती भांति भांति समुझाय।
हब को द्याखै आपनि ढपली ठेलुहा रहे बजाय॥

हकु न मिलै भिच्छा मांगे ते गवा समझि मा आय।
उइकी बढ़िकै नट्टी पकरौ जो तुमते खउख्याय॥